Verkfæri og starfssvæði blikksmiða – verkfæralisti

Fylgiskjal nr. 5
Samkomulag félags blikksmiða og félags blikk­­smiðjueigenda um verkfæri og starfssvæði

1.                  Verkfæri

1.1                
Blikksmiðir leggja sér til verkfærakistur og verkfæri í sam­ræmi við meðfylgjandi verkfæralista, dags. 03.05.1995.

Verkfæraskápar inni á verkstæði eru í eigu blikksmiðjunnar en verkfæri og verkfærakistur eign blikksmiða.

1.2                
Blikksmiðir bera ábyrgð á verkfærum sínum og annast um­hirðu þeirra og endurnýjun á sinn kostnað. Blikksmiðum er skylt að endurnýja strax verkfæri ef þau ganga úr sér, týnast eða eyðileggjast. Verði á því misbrestur er smiðjunni heimilt að afhenda viðkomandi starfsmanni umrædd verkfæri og draga andvirði þeirra af launum hans.

1.3                
Blikksmiðjan leggur til í fyrstu verkfæri og verkfærakistur en dregur andvirði þeirra frá verkfæragjaldi sem nemur 50% af því þar til skuld (sbr.1.2) hefur verið greidd að fullu.

1.4                
Blikksmiðjan tryggir að aðrir starfsmenn, sem þessi samn­ingur nær ekki til, hafi aðgang að handverkfærum sem þeir þurfa að nota.

2.                  Starfssvæði

2.1                
Á starfssvæði félaga í Félagi blikksmiða, sem samningur þessi tekur til, skulu starfsmenn mæta til vinnu (þ.e. á viðkomandi verkstæði) og fara frá vinnu í eigin tíma. Starfsmenn skulu fluttir að og frá vinnustað (verkstæði) í vinnutíma, vinni þeir utan vinnustöðvar(verkstæði). Heimilt er starfsmönnum og verkstæði að semja um að mætt skuli á tilteknu vinnusvæði utan verkstæðis og hefja og ljúka starfsdegi þar.

2.2                
Höfuðborgarsvæðið verður með þessu samkomulagi eitt starfs­svæði með eftirtöldum sveitafélögum: Reykjavík, Kópavogi, Sel­tjarnar­nesi, Garðabæ, Hafnarfirði að Hamranesi, Bessa­staðahreppi, og Mosfellsbæ að Leirvogsá.

Þegar unnið er utan ofangreinds svæðis, skulu starfsmenn hafa frítt fæði, enda sé þeim ekki ekið heim til matar eða að mötuneyti viðkomandi vinnustöðvar.

Samningsaðilar eru sammála um að hugtakið „frítt fæði“ í þessum samningi sé kaffi og meðlæti í kaffitímum og heit máltíð á matmálstímum.

3.                  Greiðslur

3.1                
Til að mæta þeim útgjöldum sem starfsmenn verða fyrir vegna ofangreindra ákvæða, greiðist verkfæra og svæðisgjald kr. 68,36 (frá 1. júlí 2004) fyrir hverja unna klukkustund. Gjaldið tekur þeim breytingum sem verða á byggingarvísitölu  á hálfs árs fresti, 1. júlí og 1. janúar ár hvert.

Samningur þessi tekur gildi frá undirskriftardegi og er upp­segjanlegur með þriggja mánaða fyrirvara af beggja hálfu.

Reykjavík 03.05. 1995

HANDVERKFÆRI BLIKKSMIÐS

Fylgiskjal með samningi um verkfæri og starfssvæði

03.05.1995

Undir liðum 101-160 eru talin öll nauðsynleg handverkfæri sem blikksmiðir nota við störf sín og er skylt að hafa til taks.

101. Borvél                                        102. Blikkskæri hægri

103. Blikkskæri vinstri           104. Krummaskæri hægri

105. Krummaskæri vinstri                   106. Klaufhamar

107. Vinkill                                           108. Sirkill 35sm

109. Sirkill 25sm                                  110. Sirkill 20sm

111. Hamar 500gr.                               112. Hamar 300gr.

113. Hamar 200gr.                               114. Skrúfjárn nr. 6

115. Skrúfjárn nr. 4                              116. Skrúfjárn nr. 3

117. Skrúfjárn nr. 4 kubb       118. Skrúfjárn nr. 6 stjörnu

119. Skrúfjárn nr. 3 stjörnu    120. Skrúfjárn nr. 4 stjörnu-kubb

121. Þjöl flöt                                         122. Þjöl hálfrún

123. Þjöl rún                                         124. Meitill

125. Kjörnari                                        126. Sjálfhelda stór

127. Sjálfhelda lítil        128. Sjálfhelda breiðkjafta

129. Sjálfhelda klótöng                          130. Sjálfhelda smá

131. Naglbítur                                       132. Flatkjafta

133. Nippiltöng                                      134. Krumputöng

135. Viðhald                                         136. Draghnoðstöng

137. Handlokkur                                    138. Járnsagabogi

139. Sagablaðahaldari                           140. Sniðmát

141. Riss                                              142. Plastkjulla

143. Stjörnulyklasett 8-19mm      144. Topplyklasett 8-19mm

145. Skiptilykill 8″                                 146. Skiptilykill 5″

147. Hornamát                                      148. Málband 3-5 m

149. Sexkantsett                                   150. Rennimát

151. Hallamál                           152. Skrúfjárnstoppar

153. Tússpenni                                      154. Málstokkur

155. Framlengingarsnúra 15-20 m          156. Kúlupenni

157. Kíttisgrind                                      158. Hleðsluborvél

159. Verkfærakista                                160. Aukarafhlaða