15.1.1. Þar sem unnin er ákvæðisvinna samkvæmt ákvæðisvinnuverðskrám skulu allar reglur þar að lútandi fylgja öllum þeim ákvæðum sem gilda í Reykjavík, eins og þau eru hverju sinni, nema samningar aðila kveði á um annað.
15.1.2.
Reiknitölur ákvæðisvinnu með kostnaðarliðum frá og með 26. apríl 2004:
Málara
Reiknitala ákvæðisvinnu með kostnaðarliðum kr. 591,85
Múrara
Viðmiðunarverð í ákvæðisv. með kostnaðarl. kr. ———
Pípulagningamanna
Reiknitala ákvæðisvinnu með kostnaðarliðum kr. ———
Trésmiða
Reiknitala ákvæðisvinnu með kostnaðarliðum kr. 392,26
Veggfóðrara
Reiknitala ákvæðisvinnu með kostnaðarliðum kr. ———
Desember- og orlofsuppbót er innifalin í ofangreindum reiknitölum.
15.1.3. Iðnnemar í ákvæðisvinnu
Nú vinnur iðnnemi með sveini í ákvæðisvinnu og skal þá hlutur iðnnemans vera á móti 100% hluta sveins:
Laun allt árið Laun fyrir unninn tíma
Á fyrsta námsári 45% 55%
Á öðru námsári 55% 65%
Á þriðja námsári 65% 75%
Á fjórða námsári 75% 85%
Vegna kostnaðar meistara af hlunnindum iðnnema, sem hefur laun allt árið, umfram hlunnindi almennra kjarasamninga skal hlutur meistarans vera 15% til viðbótar hlut iðnnemans.
Ef samkomulag er um að meistari greiði iðnnema fyrir unninn tíma (sjá iðnnemasamning) þá bætast 2/3 hlutar (10%) af hlut meistarans við hlut iðnnemans og skal sú greiðsla skoðuð sem fullnaðargreiðsla framangreindra hlunninda nemans.
[Dæmi um skiptingu mælingar:
Mældir tímar 300 x reiknitalan kr. 392,26 =“
Sveinn A: Unnir tímar 100 x 1.00 =“
Sveinn B: Unnir tímar 100 x 1.00 =“
Nemi á fyrsta ári 100 x 0.55 =“
Meistari 100 x 0.05 =“
kr. 117.678/260 samtals unnum tímum =“
kr. 452,61 eru síðan margfaldaðar með tímum hvers fyrir sig.]
15.1.4. Yfirvinna í ákvæðisvinnu
15.1.4.1.
Yfirvinna í ákvæðisvinnu málara, múrara, pípulagningamanna og veggfóðrara skal greidd með 80% álagi á hverja unna yfirvinnustund.
[Dæmi:
Dagvinnutímar 40 x 1,0000 =“
Yfirvinnutímar 4 x 1,8 =“
Samtals tímar 44 47,20 x mælingatalan. = %
Eða 47,2/44 = 1,0727 = > 7,27%
44 * 1,0727 * mælingatalan
Dagvinnutímar 40 x 1,0000 =“
Yfirvinnutímar 8 x 1,8 =“
Samtals tímar 48 54,40 x mælingatalan.] = %
Eða 54,4/48 = 1,1333 = > 13,33%
48 * 1,1333 * mælingatalan
15.1.4.2.
Yfirvinna í ákvæðisvinnu trésmiða skal greidd með 50% álagi á hverja unna yfirvinnustund.
15.1.5. Stórhátíðavinna í ákvæðisvinnu
15.1.5.1.
Stórhátíðavinna í ákvæðisvinnu málara, múrara, pípulagningamanna og veggfóðrara skal greidd með 138,33% álagi á hverja unna yfirvinnustund á stórhátíðum.
[Dæmi:
Dagvinnutímar 40 x 1,0000 =“
Stórhátíðatímar 6 x 2,3833 =“
Samtals tímar 46 54,30 x mælingatalan.
Eða 54,3/46 = 1,1804 = > 18,04%
46 * 1,1804 * mælingatalan
Dagvinnutímar 40 x 1,0000 =“
Stórhátíðatímar 10 x 2,3833 =“
Samtals tímar 50 63,83 x mælingatalan.]
Eða 63,83/50 = 1,2766 = > 27,66%
50 * 1,2766 * mælingatalan
15.1.5.2.
Stórhátíðarvinna í ákvæðisvinnu trésmiða skal greidd með 80% álagi á hverja unna yfirvinnustund á stórhátíðum.
15.1.6. Laun fyrir óunna helgidaga í ákvæðisvinnu
15.1.6.1.
Laun fyrir óunna helgidaga (sjá 1.5.) trésmiða í ákvæðisvinnu eru greidd í 8 stundir á þeim taxta sem sveinn fær í dagvinnu aðra daga, auk yfirborgana, ef þær eru fyrir hendi, þó að frádregnu fatagjaldi og verkfæragjaldi.
15.1.6.2.
Laun fyrir helgidaga (sjá 1.5.) eru innifalin í launum málara, múrara, pípulagningamanna og veggfóðrara í ákvæðisvinnu.
15.1.7. Laun fyrir unna helgidaga og stórhátíðir í ákvæðisvinnu
15.1.7.1.
Sé unnið helgidaga sem ekki eru stórhátíðir skal, auk þess að greiða dagvinnukaupið, greiða ákvæðislaun með yfirvinnuálagi.
15.1.7.2.
Sé unnið á stórhátíðum skal greiða ákvæðislaun með stórhátíðaálagi auk dagvinnulaunanna.
15.1.8. Innágreiðslur á mælingar og tilfallandi tímavinna
Þegar samið er um innágreiðslur á mælingu og laun fyrir tilfallandi tímavinnu með uppmælingu er verkfæragjald samkvæmt grein 15.1.9. innifalið í launatölum og dregst það því frá við greiðslu launa fyrir óunna helgidaga og við greiðslu launa í veikindum.
15.1.9. Verkfæri trésmiða í ákvæðisvinnu:
Í ákvæðisvinnu skulu trésmiðir leggja sér til eftirtalin verkfæri og er verkfæragjald fyrir þau innifalið í reiknitölunni: Hamar, svunta, bogasög, fimm bogasagarblöð á ári, blýantur og fimm metra málband. Gjald fyrir fatnað og önnur verkfæri en þau sem hér er talin er ekki innifalið í reiknitölunni.
Gjald fyrir framangreind verkfæri telst vera kr. 4,53 (m.v. 26. apríl 2004).