Fréttir

Golfmót iðnaðarmanna - úrslit

Golfmót iðnaðarmanna fór fram á Hólmsvelli í Leiru golfvelli Golfklúbbs Suðurnesja 2. júní s.l. Veðurguðirnir léku við keppendur með ágætu “Leirulogni” og 8 stiga hita. 66 þátttakendur mættu til leiks.

Keppt var skv. punktakerfi með forgjöf um Birtu bikarinn en Lífeyrissjóðurinn Birta gaf farandbikar til mótsins. Einnig var keppt í höggleik án forgjafar. Keppendum var raðað á teiga og hófst mótið kl. 9.00 undir stjórn Guðbjörns Ólafssonar. Allir þátttakendur fengu afhenta teiggjöf sem voru golfboltar.

Fjölmargir stuðningsaðilar gáfu verðlaun til mótsins en fyrstu þrjú verðlaun í hvorri keppni voru inneign í Erninum. Örninn golfverslun veitti afslátt af inneignarbréfunum. Færum við stuðningsaðilum bestu þakkir fyrir stuðninginn.

Ólafur Einar Hrólfsson, Rafiðnaðarsambandinu, sigraði mótið með 40 punkta og er því meistari Golfmóts iðnaðarmanna. Í öðru sæti varð Helgi Einarsson, Rafiðnaðarsambandinu, með 37 punkta og í þriðja sæti varð Gísli Þorgeirsson, Byggiðn, með 33 punkta. Helgi Runólfsson, Rafiðnaðarsambandinu,  hlaut fyrstu verðlaun án forgjafar á 73 höggum en betra skor á seinni 9 holunum, í öðru sæti varð Hafsteinn Þór Friðriksson, Rafiðnaðarsambandinu, einnig á 73 höggum og í þriðja sæti varð Helgi Dan Steinsson, FIT, á 79 höggum. Næstur holu á 16. holu var Helgi Pálsson, FIT, 3,39 metra frá. Næstur holu eftir 3 högg á holu 18 var Helgi Runólfsson 2,28 metra frá.

Auk þess var dregið úr skorkortum sem voru fjölmörg, allir þátttakendur fengu útdráttarverðlaun áður en yfir lauk! Í mótslok, var boðið upp á lambalæri og bearnese sem þátttakendur nutu eftir fráæran og skemmtilegan keppnisdag.

Golfmót iðnaðarmanna verður næst haldið á Akureyri 1. september n.k. á Jaðarsvelli hjá Golfklúbbi Akureyrar.

Byggiðn, FIT, GRAFÍA, MATVÍS, Samiðn og RSÍ standa sameiginlega að mótunum.

 

Sjá önnur úrslit mótsins - hér.

"Gríðarlega ánægður með stofnun Birtu lífeyrissjóðs"

Þorbjörn Guðmundsson framkvæmdastjóri Samiðnar hætti nýverið í stjórn Birtu lífeyrissjóðs og á ársfundi Landssamtaka lífeyrissjóða í dag lét hann af störfum stjórnarformanns og gaf ekki kost á sér til endurkjörs í stjórn.  Af því tilefni birtist viðtal við Þorbjörn á vef Landssamtaka lífeyrissjóða þar sem hann fer yfir sviðið og spáir í spilin um framtíðarskipan lífeyrismála í landinu.

Sjá viðtalið í heild.

Ríkisstjórnin standi við fyrirheit um eflingu verk- og tæknináms

Á fundi sambandsstjórnar í dag afhenti formaður Samiðnar Hilmar Harðarson mennta- og menningarmálaráðherra áskorun þar sem yfirvöld menntamála eru hvött til að standa við fögur fyrirheit um eflingu verk- og tæknináms.  Hilmar lýsti yfir fullum samstarfsvilja Samiðnar til að hrinda slíkum áformum í framvæmd og hefja markvissar aðgerðar svo hægt sé að byggja upp verknámsskóla sem boðið geta ungu fólki nútímalegt og framsækið nám.

Á fundinum ítrekaði sambandsstjórnin jafnframt fyrri áskoranir um afnám tekjutengingar í almannatryggingakerfinu vegna greiðslna lífeyris frá lífeyrissjóðunum.

Fundurinn samþykkti sömuleiðis áherslur Samiðnar fyrir komandi kjarasamningsviðræður þar sem fram kemur að nauðsynlegt sé að bregðast við þeim miklu breytingum sem orðið hafa á íslenskum vinnumarkaði með tilkomu mikils fjölda erlends vinnuafls.

>> Sjá samþykkt um eflingu verk- og tæknináms

>> Sjá áskorun um tekjutengingar

>> Sjá áherslur í kjarasamningsviðræðunum

Mennta- og menningarmálaráðherra til fundar við sambandsstjórn

Á fundi sambandsstjórnar nk. föstudag mun Lilja Alfreðsdóttir mennta- og menningarmálaráðherra ræða stefnu ríkisstjórnarinnar í menntamálum og hvernig staðið verður við fögur fyrirheit um eflingu verk- og tæknináms í landinu. 

Til fundarins kemur einnig Þórarinn G. Pétursson aðalhagfræðingur Seðlabankans og mun kynna stöðu efnahagsmála í aðdraganda endurnýjunar kjarasamninga. 

Sambandsstjórnin mun á fundinum stíga fyrstu skrefin í mótum kröfugerðar fyrir komandi kjarasamningsaviðræður en núverandi samningar renna sitt skeið um næstu áramót.

GOLFMÓT IÐNAÐARMANNA 2. JÚNÍ

Samiðn auk Byggiðnar, FIT, Grafíu, Matvís og Rafiðnaðarsambandsins standa sameiginlega að GOLFMÓTI IÐNAÐARMANNA á Leirunni laugardaginn 2. júní.
Ræst verður út kl. 9.  Mótsgjaldið er 4000 kr. og er innifalið mótsgjald, teiggjöf, spil og matur að spili loknu.

Síðasti skráningardagur er 25. maí kl. 16 eða þegar hámarksfjölda er náð.    >> Skráning hér.

Orlofsuppbótin 2018

Orlofsuppbótin, að meðtöldu orlofi, greiðist þann 1.júní miðað við starfshlutfall og starfstíma á orlofsárinu (01.05.-30.04), öllum starfsmönnum sem verið hafa samfellt í starfi hjá atvinnurekanda í 12 vikur á síðustu 12 mánuðum m.v. 30. apríl eða eru í starfi 1.maí. Orlofsuppbótin er kr. 48.000. Húsasmiðir og pípulagningamenn í ákvæðisvinnu fá greidda orlofsuppbót líkt og aðrir.

Iðnnemar í fullu starfi hjá fyrirtæki á námstíma fá fulla orlofsuppbót.

Fullt starf telst vera 45 unnar vikur eða meira fyrir utan orlof.

Sjá reiknivél fyrir útreikning orlofsuppbótar.