15. ágú 2017

IÐAN vor 2018 - raunfærnimat

Iðan fræðslusetur hefur nú opnað fyrir skráningar á námskeið vorannar á idan.is og má þar sjá framboðið á hinum ýmsu fagnámskeiðum sem og námskeiðum almenns eðlis.

Sérstök athygli er vakin á raunfærnimatinu fyrir þá sem hafa náð 23ja ára aldri en það er leið til að meta þá færni og þekkingu sem öðlast má á vinnumarkaði. Matið getur mögulega stytt nám og verið hvatning til að ljúka því. Þessi leið hefur skilað góðum árangri þar sem margir þátttakendur raunfærnimatsins hafa haldið áfram námi og lokið sveinsprófi að loknu matinu.

Áformað er að raunfærnimat fari fram í eftirfarandi iðn- og starfsgreinum vorið 2018:
húsasmíði og múraraiðn
bifvélavirkjun, bifreiðasmíði og bílamálun
matreiðsla og matartækni
netagerð
skrúðgarðyrkja

Inntökuskilyrði í raunfærnimat:
23 ára aldur og 3 ára reynsla úr viðkomandi grein, miðað við fullt starf (staðfest með opinberum gögnum t.d. lífeyrissjóðsyfirlitum)

Sjá nánar.